Siglir tar il cuntegn

Header

cuntegn

Discriminaziun omosexuala «Il Grischun duai mussar toleranza»

En il Grischun s'engascha in comité sur partidas per in scumond da discriminar pervia da l'orientaziun sexuala - la fatschenta che va ils 9 da favrer en votaziun. Sper acziuns dal turissem per persunas omosexualas vegl'ins mussar uss er cun la votaziun ch'il Grischun saja avert e tolerant.

Bleras partidas - in'idea centrala

Part al comité fan politichers da quasi tut il spectrum politic – da la Giuvna PLD, la giuvna PBD, fin a la PS, La Verda e l'Agid cunter SIDA dal Grischun.

Communablamain han els preschentà lur arguments per in GEA al scumond da discriminar pervia da l'orientaziun sexuala:

  • Per la cussegliera naziunala Sandra Locher-Benguerel (PS) duai il scumond er esser in segn da toleranza per persunas omosexualas.
  • Christian Conrad (Agid cunter SIDA dal Grischun) ha preschentà il «LGBT-ranking» europeic, che mussa quant LGB- amicabel ch'in pajais è. En questa rangaziun sa chatta la Svizra pir sin posiziun 27.
  • Gian Reto Trepp (Giuvna PLD) ha rendì conscient ch'i dettia duas giadas ad emna delicts d'odi omofobs en Svizra.

La finamira dal scumond da discriminar pervia da l'orientaziun sexuala è da cuntanscher in'egualitad per tuts. Quai vul dir, ch'i duai en l'avegnir era esser pussaivel da chastiar appels d'odi cunter l'orientaziun sexuala - sper tals cunter la religiun ubain l'etica.

Il Cussegl federal recumonda medemamain in GEA ils 9 da favrer a l'urna.

Video
Pro e contra scumond da discriminar pervi d'orientaziun sexuala.
Or da Telesguard dals 20.01.2020.
laschar ir

«Ina schanza per il Grischun»

En pli han commembras e commembers dal comité grischun era appelà a Grischunas e Grischuns omosexuals: Cun questa votaziun haja il Grischun la schanza, da mussar ad els ch'els na stoppian betg bandunar lura patria per ir en ina regiun pli averta per viver lur sexualitad.

Il comité per il scumond da discriminar pervia da l'orientaziun sexuala spetga in resultat fitg cler in Grischun e spera er cun las discussiuns enturn la votaziun dad prestar in pitschen pass per ina Svizra pli toleranta.

RTR novitads 11:00

Dapli da Svizraavrir la Landingpage

Nach links scrollen Nach rechts scrollen