Votaziuns - «Gea» per medischina da reproducziun ord il Grischun
Grischunas e Grischuns vulan la midada da la lescha federala davart la reproducziun cun assistenza medicala. Il suveran grischun ha detg «Gea» cun 54,78%. Blers resultats ord ils auters chantuns mancan anc.
Concret duain pèrs cun malsognas geneticas e pèrs che na pon betg survegnir uffants a moda natirala survegnir dapli pussaivladas. Quai per evitar da dar vinavant malsognas geneticas.
Per ils adversaris vegn dà via libra ad in sistem per selecziunar tranter uffants ch'èn degns e da quels che n’èn betg degns da viver. Quai mainia ad ina discriminaziun da persunas cun impediments.