Siglir tar il cuntegn

Header

video
Placats brischads – iniziativa per ina chatscha etica
Or da Telesguard dals 28.05.2021.
laschar ir
cuntegn

Iniziativa per chatscha etica Vandalissem e votaziuns – Placats brischads e bandieras enguladas

Ils iniziants da l'iniziativa per ina chatscha etica fan ina denunzia tar la procura publica pervia da vandalissem. Blers placats e bandieras da la campagna da votaziun sajan vegnids demolids u engulads.

En l’entir chantun sajan placats e bandieras vegnids stgarpads davent, demolids u brischads. La summa da donn dals placats e las bandieras per l'iniziativa muntia a plirs milli francs. Ina campagna faira vegnia manada cun buns arguments e betg cun agressiuns e vandalissem, renfatschan las iniziantas ed ils iniziants als adversaris.

audio
Vandalissem e votaziuns – Iniziants da chatscha etica portan plant
02:36 min, Actualitad dals 28.05.2021.
laschar ir. Durada: 02:36 minutas.

Era ils adversaris da l’iniziativa èn pertutgads

Il comité ch'è cunter l’iniziativa ha sinaquai era prendì posiziun e communitgà ch'els condemnian talas devastaziuns e sa distanzieschan d'in tal vandalissem. Er lur placats sajan vegnids demolids ed er els fan attent, ch'igl haja dà gronds donns.

Omaduas partidas pledeschan uschia per ina dira, dentant faira campagna da votaziun senza vandalissem, smanatschas u violenza. La procura publica vegn uss ad examinar il cas.

È la democrazia en privel?

Andreas Glaser dal Center per democrazia ad Aarau di che l’agressiun tar votaziuns ils davos onns haja prendì tiers. La raschun principala sajan cunzunt las medias socialas e la mancanza da barats socials.

audio
Vandalissem e votaziuns – Avain nus in problem?
03:20 min, Actualitad dals 28.05.2021.
laschar ir. Durada: 03:20 minutas.

Il grond problem qua tras saja, ch’il process da furmar in'atgna opiniun avant votaziuns pateschia. Ina soluziun na datti tenor Andreas Glaser dentant betg. Barats socials ed occurrenzas, nua che bleras persunas cun differentas opiniuns vegnan ensemen, possian dentant meglierar la situaziun ed evitar che la societad vegnia polarisada.

RTR novitads 06:00

Artitgels legids il pli savens

Scrollar a sanestra Scrollar a dretga