Votaziuns - «Las vatgas cun corna n'èn betg tschertgadas»

Las 30 vatgas da mulscher da Roman Niederberger n'han tuttas nagina corna. Per il giuven pur èsi cler, che vatgas cun corna fissan betg adattadas per in tal manaschi. Ed era sin la fiera sajan las vatgas cun corna main tschertgadas che quellas senza corna.

1 / 9

Legenda: Il veterinari Markus Zinsli prepara la sedaziun. RTR, Ursin Lechmann

2 / 9

Legenda: Ils vadels dorman ed èn pronts per la procedura. RTR, Ursin Lechmann

3 / 9

Legenda: Il veterinari dat la sprizza d'anestesia. RTR, Ursin Lechmann

4 / 9

Legenda: Roman Niederberger gida il veterinari Markus Zinsli da brischar giu la corna. RTR, Ursin Lechmann

5 / 9

Legenda: In dals vadels suenter la procedura. RTR, Ursin Lechmann

6 / 9

Legenda: Markus Zinsli è dapi radund 30 onns veterinari. RTR, Ursin Lechmann

7 / 9

Legenda: Il pur Roman Niederberger tegn sias vatgas a Fidaz ed a Flem. RTR, Ursin Lechmann

8 / 9

Legenda: Las vatgas da Roman Niederberger na portan nagina corna. RTR, Ursin Lechmann

9 / 9

Legenda: En questa stalla a Flem èn las vatgas da latg da Roman Niederberger. RTR, Ursin Lechmann

Brischar davent la corna

Il veterinari Markus Zinsli vegn sperasvi tar Roman Niederberger per brischar davent la corna da quatter vadels. Sco emprim survegnan ils vadels ina sedaziun, uschia ch'els dorman e na percorschan nagut. Diesch minutas pli tard dat il veterinari lura ina anestesia locala tar mintga corna. Anc ina giada diesch minutas suenter po Markus Zinsli brischar davent il cumenzament da la corna, quai cun in fier fitg chaud.

Duront il barschar giu la corna senta il vadi nuot.

Suenter la procedura hajan els dentant in zic mal. Perquai squitta el a la fin in medicament cunter il mal.

audio

Bunura: Roman Niederberger e las vatgas senza corna

04:29 min, ord Actualitad dals 13.11.2018.

laschar ir. Durada: 4 minutas 29 Secundas.

Cunter l'iniziativa

Per Roman Niederberger èsi cler, ch'el di Na a la «Iniziativa davart las vatgas cun corna». El è da l'opiniun che mintga pur duai decider sez, sch'el vul tegnair vatgas cun corna u senza. Tenor el na tutgia quai era betg francà en la constituziun.

RR actualitad 07:00