Cun 56.6% accepta il suveran Svizzer cleramain la lescha d’anti-terror. Quai pussiblitescha a la polizia d'intervegnir a moda preventiva gia tar indizis per ina activitad terroristica.
Lescha anti-terror
Svizra: Lescha per cumbatter il terrorissem
GEA
1'811'765 Vuschs
NA
1'390'355 Vuschs
Sulettamain Basilea-Citad è s’exprimì cunter la lescha, quai cun 54.9% vuschs Na.
Grischunas e Grischuns sustegnan il cumbat cunter il terrorissem
La populaziun dal Grischun ha ditg Gea a la lescha. 58.78% da las votantas e dals votants vulan novas reglas per prevegnir ad uras tar suspects da terrorissem.
Resultats da las vischnancas grischunas
Las vischnancas ch'han votà cunter la lescha anti-terror èn cun be 19 en minoranza. Il Gea da la gronda part da las vischnancas che sustegnan la lescha è savens in Gea fitg cler.
La participaziun a la votaziun ha muntà a 59.29%.
Tge è vegnì decis?
La polizia duai survegnir ils dretgs meds per intervegnir ad uras cunter acts da terrorissem. Sche la lescha vegn approvada, pon policistas e policists intervegnir a moda preventiva gia tar indizis per ina activitad terroristica.