Siglir tar il cuntegn

Header

Luf.
Legenda: MAD, comité cunter la lescha da chatscha
cuntegn

Lescha da chatscha Comité grischun cunter la lescha è sa furmà

Oz, mesemna è vegnì fundà il comité grischun cun il num «NA a la lescha da chatscha malgartegiada». Davart la lescha vegn votà ils 27 da settember.

In comité cun 17 persunas grischunas cumbatta la revisiun parziala da lescha da chatscha. Quest comité sa cumpona da represchentants dad organisaziuns d'ambient che vegnan sustegnids da politicras e politichers chantunals e federals, selviculturs, chatschaders e purs.

In da lur arguments: La Svizra stoppia restar in lieu, nua che spezias periclitadas restian protegidas. Ins na possia betg lubir ch'animals vegnian mazzads, mo perquai ch'els sajan qua e possian potenzialmain chaschunar donns. La revisiun chaschunia dapli conflicts che quai ch'ella schlia, scriva il comité. I na dettia suenter betg pli ina regulaziun unitara sur l'entira Svizra per ils animals protegids, ma las cumpetenzas vegnian surdadas als chantuns ed uschia dettia lura puspè mintga pèr kilometers in'autra moda d'ir enturn cun tals animals.

Dossier online rtr.ch/votaziuns

Dossier online rtr.ch/votaziuns

Sin in clic tut las fatschentas federalas e communalas.

RTR novitads 16:00

Artitgels legids il pli savens

Scrollar a sanestra Scrollar a dretga