La lescha da CO2 fa naufragi: Il suveran svizzer refusa cun 51.6% la revisiun da la lescha che ha vulì sbassar las emissiuns. Sulettamain en il vest, da Basilea-Citad e Turitg ha la dumonda gì sustegn.
Lescha da CO2
Svizra: Lescha da CO2
GEA
1'568'036 Vuschs
NA
1'671'150 Vuschs
Per il Cussegl federal ed il parlament e quai ina terrada, suenter lungas debattas e discussiuns. La cussegliera guvernativa Simonetta Sommaruga vul dentant tschertgar ina nova via.
Era il Grischun di Na
La protecziun dal clima cun la lescha da CO2 va era memia lunsch per il suveran dal Grischun: Il Na munta a 53.36%.
Resultats da las vischnancas grischunas
Da las vischnancas ch'han ditg Gea a la lescha hai ina gronda cumpart cun in resultat cnap. Pli cler èsi sin la vart Na. Auter che tar Segl cun 50:50 datti tar ina gronda cumpart in resultat pli cler.
La participaziun a la votaziun ha muntà a 59.74%.
Tge avess la lescha vulì midar?
La lescha da CO2 ha previs che la Svizra duai contribuir a la finamira da franar la midada dal clima e da reducir las emissiuns da CO2. Cun reveder la lescha da CO2 vulevan il Cussegl federal ed il parlament porscher instruments per sbassar las emissiuns. La critica sa drizzava surtut vers ils pretschs che creschan, per exempel per benzin e diesel.