La lescha da CO2 che vul reducir il sbuff da gas cun effects da serra è tenor il minister d'energia dal Grischun Mario Cavigelli ina schanza per il chantun. Per l'ina ord vista da l'ambient e per l'autra ord vista finanziala.
Privels da la natira
Sco chantun muntagnard saja il Grischun pertutgà pli fitg da la midada dal clima ed ils privels da la natira. Perquai saja impurtant da s'adattar e prender mesiras, uschia il minister d'energia Mario Cavigelli. Gist per la populaziun che viva en zonas muntagnardas saja impurtant ch'ins protegia l'ambient.
Betg be sfida finanziala
Malgrà ch'i dat taxas e la lescha da CO2 custa, n'è Mario Cavigelli betg da l'avis ch'i dettia be burdis finanzials. Per l'ina saja il Grischun gia bain da viadi quai che pertutga energia regenerabla e per l'autra dettia er pussaivladas da profitar da la lescha. Ins possia numnadamain er quintar cun sustegns finanzials. Uschia per exempel per planisaziuns en connex cun aua u sumegliant, di Cavigelli.
