Siglir tar il cuntegn

Header

audio
La relevanza dals novs aviuns per la segirezza al WEF
Or da Actualitad dals 19.08.2020.
laschar ir. Durada: 03:51 minutas.
cuntegn

Novs aviuns da cumbat Era senza novs aviuns è il WEF anc segir, din experts

Sch'i na dat questa giada betg aviuns, datti quels pli tard. Da quai è il publicist d'aviatica militara austriac, Georg Mader, persvas. In pajais neutral sco quai che la Svizra è, vegn adina ad avair in'atgna aviatica militara, di l'um che persequitescha l'aviatica militara sin tut il mund. Era il schurnalist spezialisà sin dumondas aviaticas e militaras, Bruno Lezzi, di che da pudair segirar sezza il spazi da l'aria saja impurtant per in stadi sco la Svizra.

Dentant na vesessan ils dus experts actualmain nagin privel per la segirezza dal Forum mundial d'economia, sch'il project da votaziun na passa betg a l'urna. Fin ch'ils aviuns vegls èn ord funcziun, avessan ins anc temp per chattar in'autra soluziun. Sche quella na vegn lura però betg chattada, pudess quai dar in problem per la segirezza al WEF.

Bruno Lezzi

Bruno Lezzi

Expert da segirezza e dumondas da militar

Personen-Box aufklappenPersonen-Box zuklappen

Durant il temp sco redactur da la NZZ è el stà spezialisà sin dumondas da militar e da segirezza. En pli ha el lavurà tar il departament militar sco uffizier dal stab general. E sia savida ha el era dà vinavant sco docent.

Georg Mader

Georg Mader

Expert d'aviatica militara

Personen-Box aufklappenPersonen-Box zuklappen

L’Austriac s'occupa dapi onns era cun l'aviatica militara svizra. El persequitescha dentant l'aviatica militara sin tut il mund. Sco publicist scriva el per divers magazins spezialisads, sco per exempel il magazin d’aviatica «Cockpit» u il magazin militar «Jane’s Defence Weekly».

Nua vegnan duvrads ils aviuns da cumbat?

ils aviuns da cumbat actuals.
Legenda:ils aviuns da cumbat actuals.Grafica RTR

Conferenzas internaziunalas

Ils aviuns da cumbat vegnan oravant tut duvrads per conferenzas internaziunalas sco per il Forum mundial d’economia. En acziun èn ils aviuns da cumbat dal tip F/A-18. Dentant era en acziun per proteger l’aria durant il WEF èn aviuns PC-7 ed ils helicopters dal tip Super Puma.

Sper il WEF èn ils aviuns da cumbat er en acziun per autras conferenzas internaziunalas sco per exempel l’onn passà per il forum da fugitivs a Genevra u per proteger il papa ch’è vegnì sin visita en Svizra il 2018.

Servetsch da polizia aviatica

Quel servetsch è la gronda part nua ch’ils aviuns da cumbat èn en acziun. E quai per 365 dis l’onn.

L’aviatica militara è tut onn en prontezza per quest servetsch e quai da las 6:00 fin las 22:00. Davent da l’auter onn vegn augmentà la prontezza. Uschia èn ils pilots ed ils aviuns da cumbat pronts durant 24 uras per di. Ed els ston esser en l’aria en maximalmain 15 minutas. Quai cun dus aviuns da cumbat dal tip F/A-18.

Guardà sur in onn datti uschia 20-40 hot missiuns. Tar quellas acziuns sto la polizia aviatica intervegnir perquai che las reglas dal traffic aviatic u la suveranitad aviatica vegn ferida fermamain. Vitiers vegnan en media 250-350 live missions durant in onn. Tar quellas acziuns vegnan controllads aviuns da l’exteriur. Ina tala acziun dura en media 1 ura. En tut èn ils aviuns uschia per 600 uras en acziun per il servetsch da la polizia aviatica.

RTR actualitad 07:00

Artitgels legids il pli savens

Scrollar a sanestra Scrollar a dretga