La Verda, la partida ecologica dal Grischun, ha decis las parolas per las votaziuns federalas dals 7 da mars. Ella suonda la partida mamma e refusa tut ils trais projects che van en votaziun.
- Uschia recumonda ella da dir Na a l'inizativa da per scumandar da cuvrir la fatscha. Quella saja inutila, perquai ch'i dettia strusch dunnas che portian ina burca en Svizra.
- Er la cunvegna da commerzi liber cun l'Indonesia recumonda la partida da refusar. En l'Indonesia stettian runcadas, violenzas dals dretgs umans ed il duvrar da pesticids da tissi sin il program quotidian e la cunvegna na cuntegnia betg las controllas che faschessan da basegn.
- Na di la partida er a la lescha davart l'identitad electronica. Bain vesa la partida il basegn d'ina identitad electronica, quella na tutgia dentant betg en ils mauns da privats.
audio
Per tadlar: Las novitads da las 16:00
03:09 min, RTR Audio dals 11.02.2021.
laschar ir. Durada: 03:09 minutas.
