Siglir tar il cuntegn

Header

Purtret da Magdalena Martullo-Blocher, Roman Hug e Martin Candinas.
Legenda: Magdalena Martullo Blocher (cussegliera naziunala), Roman Hug (president da la partida) e sco giast Martin Candinas (cusseglier naziunal PCD). MAD, Partida populara dal Grischun
cuntegn

Parolas PPS GR Gea a l'iniziativa da limitaziun – na al congedi da paternitad

La PPS dal Grischun di Gea a l'iniziativa da limitaziun da l'atgna partida. Era il congedi da paternitad vegn renvià – persuenter datti sustegn per las deducziuns per la tgira d’uffants. Quai han decis delegadas e delegads ier saira a Casti.

Il gea a l'iniziativa da limitaziun saja in cler pled encunter ina Svizra da 10 milliuns, scriva la Partida populara dal Grischun en communicaziun. Cun la libra circulaziun dapi il 2007 hajan passa 500 milliuns persunas da l'Uniun europeica survegnì access a la Svizra. Per consequenza sajan gia in milliun dapli persunas vegnidas en Svizra durant ils ultims 13 onns. Be mintga 5avla persuna lavuria en ina professiun nua ch'i na dettia nagins Svizzers qualifitgads. Uschia vegnian ils lavurants svizzers stgatschads ed il squitsch sin las pajas creschia.

En vista a la situaziun finanziala urgenta suenter la crisa da corona, saja da desister sin ulteriuras redistribuziuns da daners. Perquai haja la partida decidì in Na tar il congedi da paternitad. D'approvar quest project, avess per consequenza custs d'almain 230 milliuns francs per ils patruns. Plinavant pudessi er dar custs zuppads sco per exempel per substituziuns da fin 900 milliuns francs.

La deducziun per la tgira d’uffants ha la partida approvà. Uschia vegnian sur tut famiglias da la classa mesauna sustegnida e distgargiadas finanzialmain.

La Svizra votescha ils 27 da settember 2020 davart las fatschentas.

RTR novitads 14:00

Artitgels legids il pli savens

Scrollar a sanestra Scrollar a dretga