Il CO2 è il motiv principal per la midada dal clima che fa donn als umans e l'ambient. Schetgira, dis da chalira, inundaziuns, sbuvaditschs – quai èn be intginas da las consequenzas. Cun reveder la lescha da CO2 vulan il Cussegl federal ed il parlament porscher instruments per sbassar las emissiuns.
Il parlament federal ha - suenter lungas discussiuns - deliberà la lescha da CO2. Damai che dus comités han fatg il referendum, decida uss il pievel svizzer.
Il Cussegl federal recumonda d'acceptar la revisiun da la lescha. Las partidas svizras sustegnan la lescha da CO2 - cun excepziun da la PPS.
Sin in clic tut las fatschentas federalas, chantunalas e communalas: rtr.ch/votaziuns