Siglir tar il cuntegn

Header

cuntegn

Per tge vai? Lescha da Covid-19

Co garantir vinavant il sustegn necessari per mitigiar las consequenzas da las mesiras da corona? Quai regla la lescha da Covid-19.

Il Cussegl federal ha decidì da sustegnair finanzialmain persunas ed interpresas pertutgadas entras las mesiras da corona. La lescha federala d'epidemia na cumpiglia betg agids economics e perquai sa basa il Cussegl federal sin la Constituziun federala ubain pli exact: Sin il dretg d'urgenza. Quel è dentant adina limità sin in mez onn. Per garantir in sustegn a pli lunga vista, èsi perquai stà necessari da stgaffir ina basa legala – la lescha da Covid-19.

Quai na cumpiglia la lescha betg

Avrir la boxSerrar la box
  • In Na a la lescha na piglia betg davent al Cussegl federal la cumpetenza da decider mesiras, sco per exempel da serrar butias e restaurants u da scumandar occurrenzas. Questas cumpetenzas èn regladas en la lescha d'epidemia. Er da cumprar e distribuir vaccins resta vinavant pussaivel.
  • Per medicaments impurtants po la lescha preveder excepziuns per l'admissiun. Quai na vala dentant betg per ils vaccins da Covid-19. Per quels dovri vinavant ina lubientscha e la conferma ch'els han effect e ch'els èn d'auta qualitad.
  • Il vaccin na vegn betg reglà en la lescha da Covid-19. Perquai na po il Cussegl federal er betg decider in obligatori da vaccinar cun quella lescha. Quai è reglà en la lescha d'epidemia.

Il parlament federal ha approvà la lescha il settember 2020 e declerà quella sco urgenta. Perquai è ella ida immediatamain en vigur. La lescha è dentant limitada enfin la fin dal 2021.

Tge munta in Na a la lescha?

Avrir la boxSerrar la box

Sch'il suveran refusa la lescha, vegn quella ord funcziun in onn suenter ch'ella è vegnida realisada, quai munta ils 25 da settember 2021. Quai è previs uschia da la Constituziun federala.

Lura manca la basa legala per l'agis finanzial er sche quellas èn necessarias anc pli ditg. Tut las midadas ch'il parlament federal ha fatg dapi ils 25 da settember 2020 crodan davent. Quai pertutga per exempel:

  • l'agid en cas da direzza (agiuntà il december 2020)
  • las contribuziuns e credits a fond perdu per clubs professiunals e semiprofessiunals dal sport (midà il december 2020)

Ulteriur sustegn tenor quellas decisiuns n'è betg pli pussaivel.

Sustegns gia pajads durant il temp che la lescha da Covid-19 è stada en vigur en furma da credits u garanzias, restan valaivels. Per tscherts instruments dovri dentant ina nova basa legala.

Malgrà che las partidas svizras han in u l'auter punct da critica, sustegnan ellas en general la proposta ch'è sin maisa. Critica datti aifer la PPS: Entant che la partida svizra ha decis da dar liber la vusch - recumonda la PPS grischuna da refusar la lescha.

Dossier online

Avrir la boxSerrar la box
Dossier online

Sin in clic tut las fatschentas federalas, chantunalas e communalas: rtr.ch/votaziuns

RTR votaziuns 2021

Artitgels legids il pli savens

Scrollar a sanestra Scrollar a dretga