Il terrorissem duai vegnir cumbattì meglier. Ils davos onns ha la politica federala gia fatg intginas adattaziuns – tuttina datti anc mancanzas. Ozendi po la polizia per exempel intervegnir pir cura ch'ina persuna ha gia comess in delict terroristic. Perquai han il Cussegl federal ed il parlament elavurà ina nova lescha.
Il Cussegl federal sco era il parlament recumondan d'acceptar la nova lescha. Gist dus comités han dentant fatg il referendum e perquai vegn la lescha per cumbatter il terrorissem ils 13 da zercladur a l'urna.
Tar las posiziuns sa mussan differenzas tranter las partidas sanestras e las partidas burgaisas.
Sin in clic tut las fatschentas federalas, chantunalas e communalas: rtr.ch/votaziuns