Trais arguments pro
- La discriminaziun da persunas omo- e bisexualas è anc adina in problem en Svizra. Quests carstgauns dovran perquai protecziun.
- Discriminaziun metta en privel la convivenza paschaivla e n’ha nagina plazza en ina societad che sa basa sin la dignitad umana.
- Cun la midada da la norma penala èsi pussaivel da promover in clima che prevegn a violenza viers omo- e bisexuals.
Trais arguments contra
- La libertad d’opiniun è smanatschada. La midada è atgnamain ina lescha da censura.
- Sche persunas omo- e bisexualas profiteschan da meglra protecziun vegnan anc autras gruppas a pretender quai en avegnir.
- La midada da la norma penala d’antirassissem na dovri betg. Il cudesch penal porscha gia oz a pertutgads avunda instruments per agir cunter odi, insultas, smanatschas, diffamaziun e discriminaziun.
RTR novitads 12:00