Siglir tar il cuntegn

Header

cuntegn

Referendum lescha E-ID Pass digital na tutgia betg en mauns da privats

Il comité da referendum lantschà il cumbat da votaziun davart la lescha dad E-ID. Tenor il comité duain documents d'itentitad digitals vegnir edids sco quels sin palpiri dal stadi e betg dad interpresas privatas.

«Il pass u la carta d'identitad digitala na tutgan betg en mauns dad interpresas privatas.» Cun quest slogan ha il comité da referendum lantschà il cumbat da votaziun davart la lescha dad E-ID.

Questa lescha vul commerzialisar per l'emprima giada certificats uffizials e laschar producir quests entras firmas privatas. Enstagl da biros da pass u chanzlias pudessan lura bancas ed assicuranzas administrar las datas da burgaisas e burgais.

Il stadi duai edir il pass digital

Cunter questa privatisaziun sa dosta ina allianza dad organisaziuns e partidas. Represchentants da las PS, dals Verds, da la PLD e da la PVL han il glindesdi discurrì davant las medias. Manada vegn la campagna da la Societad digitala e da l'uniun Public Beta.

Il comité pretenda ch'il stadi duai esser responsabel per l'identitad digitala, sco quai è il cas tar il pass sin palpiri. L'ediziun da documents d'identitad duaja restar en ils mauns dal stadi e tutgia sut controlla democratica, scriva il comité en ina communicaziun.

La votaziun davart la lescha da E-ID è ils 7 da mars 2021.

Ord l'archiv:

audio
E-ID per la Svizra
ord Il chavazzin dal di dals 28.05.2019. Maletg: Keystone
laschar ir. Durada: 3 minutas 17 Secundas.

RTR novitads 12:00

Artitgels legids il pli savens