Ils chantuns da la Svizra tudestga e taliana han quasi tuts sustegnì la cunvegna. Opposiziun hai surtut dà en la Svizra franzosa. Tar la cunvegna cun l'Indonesia para da dar in foss dal rösti.
Cunvegna cun l'Indonesia
Svizra: Cunvegna economica cun l'Indonesia
GEA
1'408'380 Vuschs
NA
1'318'630 Vuschs
Suveran grischun sustegna la cunvegna cun l'Indonesia
Il Grischun na decida betg auter che ses chantuns vischins. El tutga tar ils aderents da la cunvegna cun l'Indonesia.
Il pli cler Gea vegn da la vischnanca da Buseno en la regiun Moesa. 72% da las votantas e votants mettan là in Gea en l'urna. Percunter dapli resistenza che sustegn datti en las regiuns Viamala, Moesa e Partenz.
Ils resultats da las singulas vischnancas:
Tge sa mida uss?
Cun la cunvegna scrodan ils dazis per ils blers products svizzers en l’Indonesia. Quai vala er per l'import da products da l'Indonesia – tar l'agricultura vegnan ils dazis mo sbassads. Plinavant sto l'Indonesia resguardar dretgs per ils lavurants sin plantaschas d'ieli da palmas. Il guaud tropic na dastga betg pli vegnir runcà.
