Siglir tar il cuntegn

Header

Navigaziun

cuntegn

Suenter GEA a finanziaziun AVS Votantas e votants spetgan ulteriuras refurmas

Cun il GEA dad oz a la refurma fiscala e la finanziaziun da l’AVS haja la Svizra be gudagnà temp. Da quest avis èn votantas e votants, tenor ina retschertga da l’institut gfs.berna.

Il maletg mussa l'emprima pagina da la retschertga da gfs.berna
Legenda: RTR

Da principi han votantas e votants approvà il pachet da la refurma fiscala e la finanziaziun da l'AVS perquai ch'el schlia dus problems urgents: Per l'ina il squitsch da l'Uniun Europeica sin il sistem da taglia svizzer e per l'autra per finanziar l'AVS. Concret: In GEA hai dà malgrà che la decisiun da far in pachet cun questas duas fatschentas n'ha betg sveglià gronda euforia.

Ils problems n'èn betg giud maisa

La retschertga mussa dentant era ch'i dovra ulteriuras refurmas: 91% da las persunas dumandadas èn da quest avis. La gronda part na vul era betg targlinar:

  • 49% pretendan refurmas aifer ils proxims 5 onns
  • 31% pretendan refurmas immediatas
  • 16% pretendan refurmas aifer ils proxims 10 onns

Sin la dumonda tge refurmas concretas ch'i dovra per segirar l'AVS, fissan trais variantas acceptablas:

  • auzar la vegliadetgna da pensiun per dunnas sin 65 onns (73%)
  • auzar la taglia sin plivalur (67%)
  • auzar ils pertschients sin la paja (57%)

Nagina maioritad chatta persuenter l'idea d'auzar en general la vegliadetgna da pensiun sin 67 onns (41%) ed insumma nagina schanza ha l'opziun da scursanir las rentas (12%).

La retschertga

Personen-Box aufklappenPersonen-Box zuklappen

Per incumbensa da la SRG SSR ha l'institut gfs.berna dumandà 4'342 votantas e votants da l'entira Svizra. La retschertga è vegnida publitgada online sin las paginas dad SRF, RTS, RSI ed RTR e sin la pagina da gfs.berna e quai dals 17 enfin ils 19 da matg 2019.

RR novitads 20.00