Siglir tar il cuntegn

Header

video
Entrada da basa nuncundiziunada - Visiun u utopia?
Or da Actualitad video dals 09.05.2016.
laschar ir. Durada: 4 minutas 1 Secunda.
cuntegn

Votaziuns Visiun u utopia?

Schebain ch’il parlament, il Cussegl federal e tut las partidas politicas, cun excepziun da la Partida Verda, èn encunter questa iniziativa è la tematica atgnamain delicata. Schess la populaziun gea vegniss l’instituziun sociala messa cun ils pes ensi.

Avair mintga mais in’entrada garantida senza ch’ins sto viver cun temas d’existenza. Quai è tranter auter in dals arguments principals dals iniziants. Ils adherents perencunter teman che l’iniziativa procurass che pli pauca glieud pratitgass anc ina professiun.

L’iniziativa pretenda numnadamain che mintga Svizzer e mintga Svizra, independentamain a las circumstanzas da vita, survegniss in’entrada garantida. Ils iniziants discurran d’in import da 2’500 francs al mais per creschids e 625 francs per uffants e giuvenils.

Betg mo la politica è sceptica

Tenor l’emprim barometer da votaziun n’è betg mo la politica encunter quest’iniziativa, mabain era la populaziun. Il barometer da votaziun mussa in cler resultat. 72% dals dumandads vulan metter in na en l'urna, sulet 24% in gea.

E tge schais vus d’ina paja da basa da 2’500 francs al mais senza lavurar? Respundai qua sutvart.

Artitgels legids il pli savens

Scrollar a sanestra Scrollar a dretga