Siglir tar il cuntegn

Header

cuntegn

Svizra VW vul pajar la differenza tar la taglia

En il scandal da svapur da VW datti bunas novas per ils clients en Svizra. Han possessurs d’in da ses autos da pajar dapli taglia d’autos pervia da las faussas indicaziuns d’emissiuns, lura vul VW surpigliar la differenza.

Nadia Batiz dal Departament federal da finanzas ha confermà in rapport da la «NZZ am Sonntag». Il venderdi suentermezdi haja il departament survegnì ina brev dal schef da concern da VW, Matthias Müller. La brev saja en pli era ida a tut ils ministers da finanzas dals 28 pajais da l’UE.

Metter a quint a VW

Tenor l'agentura da novitads svizra sda, scriva Müllter en quella tranter auter: «Il concern da Volkswagen vegn a sa metter en, che pussibels custs supplementars tar la taglia da d’autos vegnian cumpensadas.» Müller supplitgeschia ils ministers da finanzas da metter a quint directamain al concern da VW la taglia che lur clients stoppian tut tenor anc pajar posteriuramain.

Artitgels legids il pli savens