video
Pledader da la polizia da Turitg Ralph Hirt davart il cas
Or da News-Clip dals 07.04.2022.
laschar ir. Durada: 43 Secundas.
Cura che la polizia haja vulì arrestar l’um da 38 onns, haja quel cumenzà a sajettar. En quest connex saja sia accumpagnadra vegnida tutgada ed i haja dà in sajettim cun la polizia. Malgrà emprovas da reanimar las persunas sajan ellas anc mortas al lieu.
Cunter l’um suspectà saja vegnì investigà en connex cun in rapinament. Ina persuna nunenconuschenta haja l'emna passada rapinà in um e smanatschà el cun ina arma. La medema notg haja el puspè laschà liber l'um.
La procura publica dal chantun Turitg investighescha vinavant en il cas.