Siglir tar il cuntegn

Header

cuntegn

WEF 2021 Forum mundial ha lieu il matg sin il Bürgenstock

Il Forum mundial d’economia WEF 2021 ha lieu en la Svizra Centrala sin il Bürgenstock e quai ils 18 enfin ils 21 da matg. Quai han communitgà ils organisaturs. Premissa ch'il WEF vegn lura er manà tras sin il Bürgenstock è, ch'ins po lura garantir la sanadad e segirtad dals participants. Ch'il WEF 2021 na vegnia betg ad esser a Tavau, era gia vegnì communitgà il settember.

Il tema dal WEF 2021 è «The Great Reset». En il center stettian schliaziuns per dumagnar las sfidas las pli urgentas dal mund era per il temp suenter Covid-19. Persunas da cader da l'entir mund duajan elavurar ensemen in plan per la reconstrucziun da l'economia. Planisads èn tant inscunters persunals sco er elements digitals.

Il Forum mundial d'economia 2022 duai lura puspè avair lieu a Tavau.

audio
Per tadlar: Las novitads da las 17:00
ord Novitads dals 07.10.2020. Maletg: RTR
laschar ir. Durada: 5 minutas 39 Secundas.

RTR novitads 17:00

Artitgels legids il pli savens