Las lavurs da preparaziun e da construcziun hajan per il WEF a Tavau hajan cumenzà. Quai ha communitgà il Departament federal da defensiun, protecziun da la populaziun e sport VBS. Tranter ils 18 ed ils 28 da schaner vegnian maximalmain 5’000 schuldads ad esser en acziun en connex cun il WEF. Quai è la limita ch’il parlament ha fixà.
A Tavau sez vegn però be ina part dals militars ad esser en acziun. L’autra part protegia implants d’infrastructura dador Tavau, s’occupa da la logistica e sustegna il stab.
Las autoritads civilas dal chantun Grischun èn responsablas per l’entira operaziun. Quai sut il timun dal cumandant da la Polizia chantunala, Walter Schegel.
RR novitads 11:00
