Siglir tar il cuntegn

Header

cuntegn

WEF Demonstraziun sut il motto «Trump not welcome»

A Turitg han var 1'000 persunas demonstrà il mardi saira cunter il WEF ed en spezial cunter la visita dal president american Donald Trump.

Tump n'è betg bainvegnì. Sut quest motto han passa 1'000 persunas demonstrà questa saira cunter il WEF e surtut encunter la participaziun dal president american Donald Trump. La polizia saja stada al lieu cun ina truppa pli gronda, communitgescha la polizia da Turitg.

Curt suenter las 7 èn ils demonstrants marschads dal Helvetiaplatz en direcziun via da la staziun. La manifestaziun saja stada paschaivla. Suenter che la demonstraziun cunter il WEF era vegnida scumandada a Tavau han numerusas gruppaziuns da la sanestra sustegnì quella a Turitg. Er commembers da la PS dal Grischun èn sa participads a la demonstraziun.

Er a Genevra, Losanna e Friburg èn pliras tschient persunas idas sin via per demonstrar cunter il president american Donald Trump e sia visita al Forum economic mundial a Tavau.

RR novitads 20:00

Artitgels legids il pli savens