Siglir tar il cuntegn
Inhalt

Svizra WEKO: Chasti per zincaders

Sur onns han nov zincaders svizzers fatg cunvegnas davart ils pretschs. La cumissiun da concurrenza ha sentenzià els ad ina multa totala da radund otg milliuns francs.

Logo da la Weko.
Legenda: La cumissiun da concurrenza ha sentenzià plirs zincaders pervi da cunvegnas da pretschs. Keystone

La cumissiun da concurrenza (WEKO) è vegnida a la conclusiun ch’ils nov zincaders da la Svizra tudestga e da la part franzosa dal Valais han fatg cunvegnas da pretschs tranter ils onns 2004 e 2016. Damai che las firmas hajan collavurà dal tuttafatg cun las autoritads, sajan els mitschads cun in chasti relativ bass.

Las interpresas pertutgadas han, tranter auter, empermess a lur clients da respectar pretschs minimals. Talas cunvegnas da pretschs sajan fitg donnegiusas per l’economia e sajan ina greva violaziun da la lescha da cartel, uschia l’argumentaziun da la cumissiun da concurrenza.

RR novitads 08:00