Siglir tar il cuntegn

Header

audio
Mezdi: WEKO: Bilantscha annuala
Or da Actualitad dals 02.04.2019. Maletg:
laschar ir. Durada: 3 minutas 13 Secundas.
cuntegn

Svizra WEKO: Cumbat encunter cunvegnas da pretschs porta fretgs

Il cumbat dals ultims onns encunter cunvegnas da pretschs tar concurrenzas publicas saja sa pajà. A questa conclusiun vegn la cumissiun da concurrenza WEKO en ses rapport annual.

Tranter auter ha pudì vegnir sclerì ina part dal scandal da cartel en l’Engiadina – in cas cun in grond donn economic. Dasper il cas grischun ha la WEKO er terminà trais ulteriuras inquisiziuns cun sancziuns.

Investiziuns per simplifitgar ils process

I saja vegnì investì en la prevenziun, il scleriment e las inquisiziuns d’uschè numnadas cunvegnas da submissiuns. Cun il svilup dad instruments statistics po la WEKO ussa scuvrir pli simpel las cunvegnas.

Durant l’onn current ha la WEKO gia prendì en il visier in ulteriur cartel da construcziun en il chantun Berna. Ella ha avert ina inquisiziun encunter duas interpresas da catram e lur acziunaris.

RR novitads 11:00

Artitgels legids il pli savens