Siglir tar il cuntegn

Svizra WEKO investighescha cunter Amag Tessin

La cumissiun da concurrenza ha instradà in'inquisiziun da cartel cunter l'Amag en il Tessin, l'importadra da VW. La WEKO suppona cunvegnas da pretschs tranter l'Amag ed ulteriurs commerziants dad autos cun marcas dal concern da VW.

Purtret dal logo dad amag.
Legenda: La WEKO examinescha sche l'Amag ha fatg cunvegnas nunlubidas. Keystone

Sco quei che la WEKO communitgescha dettia indecis per cunvegnas da pretschs en connex cun offertas per autos uffizials dal chantun Tessin e da vischnancas tessinaisas. Quai tranter il 2012 ed il 2014. Uss examinescha la cumissiun da concurrenza (WEKO) sch'i ha propi dà cunvegnas nunlubidas tar l'Amag tessinaisa u betg.

Entaifer 30 dis pon pertutgads sa participar a l'inquisiziun. Quai pon esser persunas che n'han betg pudì concurrenzar u gnanc pudì offrir autos entras las cunvegnas da pretschs.

Amag n'è betg conscienta d'avair fatg sbagls

L'importadra d'autos n'haja fin uss naginas indicaziuns concretas ch'ella haja cuntrafatg a la lescha, ha l'Amag prendì posiziun. Ella coopereschia cumplainamain cun las autoritads. Il mument na possian els far naginas autras indicaziuns damai ch'i sa tractia d'in cas pendent, scriva l'Amag.

RR novitads 12:00