Siglir tar il cuntegn

Svizra Weko lubescha che Tamedia cumpra Goldbach Group

La cumissiun da concurrenza federala WEKO ha permiss al concern Tamedia da surpigliar la Goldbach Group, la commerzialisadra da medias. Tamedia paja radund 216 milliuns francs.

Tamedia po cumprar la Goldbach Group.
Legenda: Tamedia po cumprar la Goldbach Group. Keystone

La cumissiun da concurrenza haja lubì la surpigliada senza cundiziuns, scriva la WEKO. Cun quest partenadi strategic vulan las duas interpresas rinforzar lur posiziun en il martgà svizzer. Avant curt aveva Tamedia anc communitgà ch’els na possian il mument betg cumprar la Goldbach Group fin che la WEKO haja decis.

Era NZZ ed AZ Medien pon collavurar pli stretg

En pli ha la WEKO lubì che la gruppa da medias NZZ e la AZ Medien pon metter ensemen lur titels regiunals e stgaffir in'interpresa che collia sut in tetg 20 gasettas en 13 chantuns. Tar questa fusiun ha la WEKO dentant exprimi tschertas resalvas. Surtut en regiuns dal chantun Soloturn ed Argovia sco era en secturs da gasettas da reclama da tecnica da chasa dettia quai indizis per ina posiziun dominanta al martgà.

RR novitads 08:00