Siglir tar il cuntegn

Header

Werner Düggelin.
Legenda: Werner Düggelin è mort la notg sin gievgia en la vegliadetgna da 90 onns. Keystone
cuntegn

Werner Düggelin è mort Il reschissur che ha furmà il teater svizzer

Il reschissur svizzer Werner Düggelin ha inspirà generaziuns dad artists da teater. La notg sin gievgia è el mort en la vegliadetgna 90 onns.

Il reschissur svizzer Werner Düggelin è mort en la vegliadetgna da 90 onns. Sco illuminader al teater da Turitg ha el en la vegliadetgna da 19 onns chattà sia amur per il teater. Da là è el ì ils onns 1950 a Paris, nua ch'el ha fundà sia atgna cumpagnia da teater. Suenter avair vivì e lavurà a Darmstadt e Minca ha el il 1968 surpiglià l'intendanza dal teater da la citad da Basilea. Durant quel temp ha el fatg enconuschent il teater da Basilea sur ils cunfins svizzers ora ed igl è gartegià ad el da mobilisar glieud giuvna da visitar il teater.

video
Ord l'archv da SRF: Düggelin davart sia entschatta 1968 a Basilea
Or da Kulturplatz dals 14.05.2008.
laschar ir

Dapi il 1975 è el lura stà engaschà sco reschissur liber sin differentas tribunas en l'Europa. Anc cun 89 onns ha Düggelin inscenà ses ultim teater a Turitg.

Werner Düggelin è stà in dals impurtants reschissurs da teater da la Svizra. Senza el na fiss il teater svizzer betg quai ch'el è uss, scriva SRF. El ha inspirà reschissurs, acturs ed auturs sco nagin auter reschissur svizzer. Düggelin è stà in dals emprims reschissurs tudestgs che han inscenà ovras da Samuel Beckett u Albert Camus.

Per sias ovras è el vegnì onurà cun differents premis, tranter auter cun ils Hans-Reinhard-Ring (1987), il premi da cultura da Basilea (1995), il premi da teater Nestroy (2010) ed il premi da cultura da la citad da Turitg (2014).

Düggelin sco reschissur da film

Düggelin sco reschissur da film

Cun 28 onns ha Werner Düggelin manà reschia dal film classicher svizzer «Taxichauffeur Bänz». SRF mussa quest film sonda che vegn, ils 8 d'avust a las 13:10 sin SRF 1.

RTR novitads 20:00

Artitgels legids il pli savens

Scrollar a sanestra Scrollar a dretga