Damaun midan las cundiziuns da protecziun da datas tar WhatsApp. Critichers averteschan da las novas pussaivladads per barattar datas cun il concern-mamma Facebook. WhatsApp snega quai ed accentuescha ch'i giaja per ina meglra communicaziun cun interpresas.
Gia dapi l'entschatta da l'onn datti agitaziuns pervi da las novas disposiziuns davart la protecziun da datas tar WhatsApp. Suenter emprimas criticas e suenter che pliras utilisadras ed utilisaders han bandunà WhatsApp aveva il concern-mamma Facebook spustà las midadas dal favrer sin il matg. Ussa vegnan las midadas fatgas pli miaivlas.
Tge succeda ils 15 da matg?
WhatsApp vul metter en vigur sias cundiziuns da protecziun da datas. Cuntrari ad infurmaziuns da pli baud duain utilisaders che n'han betg approvà las cundiziuns novas suenter l'update tuttina anc pudair duvrar il servetsch da chat. Suenter intginas emnas vegn quest servetsch lura dentant restrenschì. Quai munta ch'ins sto quintar da betg pli pudair telefonar e da scriver sms.
Ord l'archiv
WhatsApp è stà en la critica, perquai che l'applicaziun mida las cundiziuns d'utilisaziun.