audio
Bunura: Cussegl Naziunal refusa lescha per whistleblowers
ord Actualitad dals 04.06.2019.
laschar ir. Durada: 2 minutas 39 Secundas.
Ozendi na san lavurants e lavurantas betg sche u a tgi ch'els pon annunziar irregularitads a la plazza da lavur. La finamira da la proposta dal Cussegl federal era da stgaffir segirezza per ils whistleblowers, cura che l'annunzia d'ina irregularitad è legitima.
Il parlament aveva gia il 2015 refusà ina emprima proposta dal Cussegl federal. La direcziun da quella era bain vegnida valitada sco buna. Sco tala saja il project dentant memia cumplitgà e mal chapibel, avevi gì num.
Il glindesdi ha il Cussegl naziunal uss er refusà la proposta surlavurada. Ina maioritad è stada da l'opiniun ch'era la nova formulaziun na saja betg chapibla per ils pertutgads.
La fatschenta va uss en il Cussegl dals chantuns.
RR novitads 20:00