Siglir tar il cuntegn

Header

cuntegn

WHO Resistenza ad antibiotica – in problem alarmant

Tenor l’Organisaziun mundiala da la sanadad WHO daventa la resistenza a l’antibiotica sin l’entir mund in problem alarmant. Da chattar ina soluziun saja ina da las pli urgentas sfidas en il sectur da la sanadad.

En blers pajais na dovrian ils medis pli che la mesadad da l’antibiotica betg endretg, scriva la WHO. Uschia survegnian pazients er antibiotica tar infecziuns da virus, malgrà ch’antibiotica gidia sulet cunter infecziuns bacterialas.

Perquai haja la WHO creà da nov trais categorias d’antibiotica.

  1. categoria: meds cunter infecziuns seriusas,
  2. categoria: meds che cumbattan mintga sistem da sanadad, che na duain tuttina betg vegnir prescrivids cunter infecziuns las pli derasadas
  3. categoria: meds d’antibiotica sco ultima soluziun.

Cun questas trais categorias vul la WHO franar il svilup da resistenza ad antibiotica.

Resistent cunter antibiotica

Avrir la box Serrar la box

Sche pazients e pazientas na reageschan betg sin antibiotica, pia sch’il medicament na po betg mazzar las bacterias nuschaivlas en il corp, lura èn talas persunas resistentas ad antibiotica. Uschia declera la WHO il term.

Ins daventa resistent sch’ins prenda antibiotica ed intginas bacterias survivan tuttina. Lura pon quellas sa multiplitgar. Plinavant pon bacterias er esser resistentas a differentas sorts d'antibiotica. Per pazientas e pazients ch’èn pertutgads da bacterias nuschaivlas resistentas ad antibiotica na datti savens strusch schanzas da guariziun.

RR novitads 06:00

Artitgels legids il pli savens