Siglir tar il cuntegn
cuntegn

Svizra Widmer Schlumpf pretenda debatta d'amnestia fiscala

La cussegliera federala e ministra da finanzas, Eveline Widmer Schlumpf, pretenda ina debatta davart l'amnestia fiscala. Ussa cun il barat da datas automatic.

eveline widmer schlumpf en discussiun
Legenda: La cussegliera federala Eveline Widmer-Schlumpf quinta ch'il barat d'infurmaziuns svelia dapli daners nairs. Keystone

Cun il barat da datas automatic cun l’UE pudessan ils uffizis fiscals avair access a datas da contos da Svizzers en l'exteriur. Uschia fissi necessari da far ina amnestia fiscala che pussibilitass d’annunziar ils daners sut cundiziuns pli favuraivlas, ha ditg Widmer Schlumpf envers gasetta «NZZ am Sonntag».

En Svizra datti dapi il 2010 la pussaivladad d’annunziar ina giada en la vita daners illegals. Il chastì croda lura davent, ma la taglia supplementara ed ils tschains ston vegnir pajads.

RR novitads 12:00