Siglir tar il cuntegn

Header

Navigaziun

Purtret dals acturs e las acturas sco era reschissurs euv. ch'èn nominads per il Premi da film svizzer.
Legenda: La notg da las nominaziuns è passada. Uss vegn spetgà vess tgi che survegn ils premis. MAD, Premi da film svizzer
cuntegn

Svizra «Wolkenbruch» è nominà 5 giadas per Premi da film svizzer

La cumedia da Michael Steiner ha gia gì ina buna premiera al Festival da film Turitg ed ha suenter gì bler success a las cassas. Uss ha il film bunas schanzas da survegnir il Premi da film svizzer per il meglier film e per il meglier scenari.

Ulteriuras nominaziuns hai dà per ils acturs e las acturas dal film. Joel Basman po sa legrar d'ina nominaziun sco meglier actur. El ha giugà Motti, in student gidieu inamurà. Sias collegas Sunnyi Melles (Dunna Silberzweig) e Noémie Schmidt (Laura) èn nominadas sco meglras acturas en ina rolla secundara.

Gist suenter «Wolkenbruch» sa chatta il film «Der Unschuldige» da Simon Jaquement cun quatter nominaziuns. En il film vai per ina dunna e ses ami che vegn liber suenter esser stà 20 onns en praschun. El è nominà sco meglier film, meglier scenari, meglra camera e meglra actura.

RR novitads 06:00