Svizra Würenlingen – delinquent ha sajettà 14 giadas

L'um che ha mazzà avant in'emna 4 persunas a Würenlingen ha sajettà 14 giadas. Quai ha communitgà la procura publica dal chantun Argovia.

Cun 10 sajets haja l'um sajettà giu ses sir, sia sira ed il quinà. Il mazzament dal vischin silsuenter n'aveva el betg planisà.

Plinavant n'è il motiv dal crim anc betg cler, sco la procura publica a ditg. Fin uss saja sulettamain segir che l'um haja gì dispitas pervi d'ina ierta pli gronda.