Ad Yverdon-les-Bains en il chantun Vad hai dà curt avant las set la bun'ura in grond fieu en ina chasa d'ina famiglia. Sco che la polizia chantunala dal Vad ha confermà envers la SDA, hajan perditgas udì in'explosiun enturn las 06:40. Quella haja pli probabel chaschunà il fieu. La chasa è vegnida destruida cumplettamain.
Tenor rapports da medias viveva ina famiglia da tschintg persunas en la chasa. Fin a mezdi èn vegnidas chattadas quatter baras. In uffant vegnia anc tschertgà, uschia la polizia chantunal vinavant.