-
Bild 1 von 8. «Züri Fäscht 2019»: . La roda gronda avant il «Fraumünster» a Turitg. Bildquelle: Keystone.
-
Bild 2 von 8. «Züri Fäscht 2019»: . 100'000 persunas èn stadas l'emprim di. Ils responsabels quintan fin dumengia saira cun total 2 milliuns visitaders e visitadras. Bildquelle: Keystone.
-
Bild 3 von 8. «Züri Fäscht 2019»: . Pliras attracziuns hai dà il di da l'avertura – en l'aria …. Bildquelle: Keystone.
-
Bild 4 von 8. … anc pli ad ault en l'aria …. Bildquelle: Keystone.
-
Bild 5 von 8. «Züri Fäscht 2019»: . … sin l'aua cun ina show da wakeboard …. Bildquelle: Keystone.
-
Bild 6 von 8. «Züri Fäscht 2019»: . … autos amfibics …. Bildquelle: Keystone.
-
Bild 7 von 8. «Züri Fäscht 2019»: . … ina show cun dronas ch'ha fatg concurrenza a …. Bildquelle: Keystone.
-
Bild 8 von 8. … fieu artifizial accumpgnà da musica sur Turitg. Bildquelle: Keystone.
Il Züri Fäscht dal 2019 è stà in eveniment grategià, scivan ils organisaturs: Strusch incidents, blers visitaders, premieras grategiadas e - malgrà intgins daguts la sonda - hajan ins gì blera fortuna cun l'aura. Tranter ils 5 ed ils 7 da fanadur haja la festa da Turitg intgantà radund 2,5 milliuns visitaders.
In giuven da 16 onns è dentant vegnì blessà grevamain. Enturn 20 persunas èn vegnidas arrestadas.
Emprima notg senz'incaps pli gronds
A la Festa da Turitg han las autoritads fatg bilantscha positiva suenter l'emprima notg. Sin l'areal da festa n'haja quai dà nagins incidents gravants. Quai malgrà tschientmillis visitaders, communitgescha la polizia da la citad. En acziun è la polizia però stada pliras giadas pervi da charplinas, donns da material e violenza. Quatter persunas sajan vegnidas arrestadas.
Festa e producziuns anc fin dumengia
Il «Züri Fäscht» che ha durà da venderdi fin dumengia è la pli gronda festa populara da la Svizra. I vegn fatg quint cun passa 2 milliuns visitaders e visitadras. Part da la festa tradiziunala fan il program spezial cun producziuns sin il lai, però era «Chilbi» cun 70 attracziuns, 350 stans, 180 ustarias e passa 60 tribunas da musica.
RR novitads 12:00