Zur Rose cooperescha cun la Migros

Migros schlargia sia fatschenta da sanadad e sa participescha al martgà d'apotecas. La stad proxima vegn per l'emprima giada integrada in'apoteca dal menaschi 'Zur Rose' en ina stizun da la Migros.

Edifizi 'Zur Rose' a Frauenfeld. Bild in Lightbox öffnen.

Legenda da maletgs: 'Zur Rose' a Frauenfeld. Keystone

Il concern surlascha en ina filiala a Berna ina surfatscha a l'apoteca ‘Zur Rose’. Quai communitgescha la Zur Rose Group SA. Il president da la Migros, Andrea Broggini ha ditg en la SonntagsZeitung che quai saja ina fasa da pilot. Sch'il concept haja success pudessia quel vegnir realisà en lieus nua ch'i na dat naginas apotecas.

Condiziuns sco en l’apoteca da spediziun

En ina filiala da la Mirgros en la Marktgasse a Berna datti davant la stad 2017 ina apoteca ‘Zur Rose’. Quai concept è in novum en Svizra: Igl è l’emprima apoteca en Svizra che venda en in edifizi da detaglists lur products. Walter Oberhänsli, CEO da la gruppa Zur Rose. è persvadì dal concept e da la cooperaziun cun la Migros.

RR novitads 12:00