Ina buttiglia Coca Cola Zero cuntegna per exempel 130 milligrams aspartam per liter. Il zutger artifizial vegn duvrà per remplazzar zutger. Uss ha l'organisaziun mundiala da sanadad WHO classifitgà aspartam sco «potenzialmain cancerogen».
Tenor la WHO datti intgins indizis per in effect cancerogen d'aspartam sin umans. Ella sa basa sin trais studis ch'han chattà ina colliaziun betg univoca tranter bavrondas cun aspartam e cancer dal dir. Pia n'è l'effect cancerogen betg mussà si dal tut.
Tuttina di il directur da la WHO Francesco Branca: «Nus na cussegliain betg da desister dal tut sin zutger artifizial, dentant da consumar cun retegnientscha». Cleramain surfatg fissi tenor la WHO sch'ina persuna creschida consumass dapli che circa nov bavrondas cun aspartam.
