L’onn passà ha il producent da chips Zweifel fatg dapli svieuta che l’onn avant. Il 2016 ha Zweifel Pomy-Chips fatg 210,5 milliuns francs svieuta, fin ussa il meglier resultat da la firma da l'Argovia. Il gudogn n’ha Zweifel betg publitgà.
Ils proxims onns vul Zweifel investir var 40 milliuns francs en la renovaziun e l'engrondiment da la producziun a Spreitenbach. Latiers tutga er in center da visitaders. Mintg’onn visitan 6’000 persunas la producziun da Zweifel.
L'interpresa da famiglia occupescha 370 collavuraturas e collavuraturs.
