Siglir tar il cuntegn

Mes Emprim Mais L’emprim di da lavur

Esser gnervus l'emprim di da lavur è tut normal. Ma tge pensa ina patruna davart novs emploiads gnervus? Nus avain dumandà per tai.

Andrina Janki.
Legenda: L'emprim di da lavur dad Andrina Janki. RTR, Livio Chistell

Tuttina tge che ti fas, l’emprim di è adina stentus. Sper la gnervusitad vegnan anc tiers bleras novas impressiuns, bleras novas infurmaziuns e blers novs nums da collavuraturs. Quai ha er Andrina Janki sentì, sco ella ha raquintà a nus suenter ses emprim di da lavur.

Esser gnervus l'emprim di è insatge tut normal. Da mussar che ins è gnervus na vegn era betg valità sco flaivlezza. Quai ha Martina Spinatsch, ina da las responsablas per emprendists ed emprendistas tar la Banca chantunala raquintà a nus.

Per betg vegnir en situaziuns peniblas, avain nus mess ensemen in guid, co ti sas tegnair endament il meglier ils nums da tes novs collegas da lavur.

Legende: Video Co tegnair endament nums abspielen. Laufzeit 2:43 Minuten.
Or da Actualitad video dals 02.08.2018.

Proxim'emna entupain nus in coach per emprendists. Tge che quel fa insumma e tge che ti stoss far, sche ti avessas d'avair problems durant tes emprendissadi, chattas ti qua en in'emna.

RR actualitad 17:00