Siglir tar il cuntegn
Inhalt

Mes Emprim Mais La seria: «Mes emprim mais»

Durant l'entir avust discurrin nus qua davart l'emprim mais d'emprendissadi. Sche ti es pia in da quels che ha cumenzà u cumenza bainbaud l'emprendissadi, lura è quai exact per tai! Ma per tge exact vai insumma?

Andrina Janki vegnin nus ad accumpagnar durant ses emprim mais d'emprendissadi e discurrer cun ella davart ils quitads che ins ha durant quest temp.
Legenda: Andrina Janki da Sedrun vegnin nus ad accumpagnar durant ses emprim mais d'emprendissadi e discurrer cun ella davart ils quitads ch'ella fa durant quellas emnas. RTR, Elin Batista

Hey ti - Bainvegni!

Sche ti cumenzas quels dis u en ils proxims onns tes emprendissadi lura gratulain nus a ti: Ti es arrivà al dretg lieu. En quella seria d'artitgels declerain nus a ti tut quai che ti stos savair per in bun cumenzament per tia scolaziun professiunala.

You can do this!
Autur: Probablamain Konfuzius

Era sche Konfuzius n'ha forsa mai ditg quai, ha el tuttina raschun. E per che tes emprims pass en tes nov biro u en tia nova «buda» gartegian, avain nus discurrì cun responsabels per emprendists, collavuraturs u er cun in scolast davart temas sco gnervusitad, l'emprim di da scola, responsabladad u tge che ti na duais propi betg far durant l'emprim temp en tia nova plazza.

Johann Thom, scolast en scola professiunala:  A la fin dals quints è mintgin savess responsabels per rivar l'examen final.
Legenda: Johann Thom, scolast en scola professiunala: A la fin dals quints è mintgin sez responsabel per dumagnar l'examen final. RTR, Oceana Galmarini

Ti n’es betg persul. En il Grischun cumenzan quest onn bun 1'250 giuvnas e giuvens l’emprendissadi. Ina da quellas è Andrina Janki e nus avain discurrì cun ella curt avant il cumenzament da l'emprendissadi commerzial.

Legende: Video Mes emprim mais: Andrina Janki abspielen. Laufzeit 02:23 Minuten.
Or da Battaporta dals 01.08.2018.

Tge che vegn spetgà da tai durant tes emprim di u er co ti sas tegnair endament il meglier tut ils nums da tes novs collavuraturs ed anc bler dapli chattas ti en las ulteriuras parts da questa seria quasut u er sin rtr.ch/swissskills.

RR actualitad 17:00