Siglir tar il cuntegn

SwissSkills2018 Tge en ils Swiss Skills 2018

Dals 12 als 16 da Settember dattan ils Swiss Skills ina invista en la varietad da la scolaziun professiunala Svizra. RTR è da la partida da la pli gronda show da professiuns dals mund e rapporta da las concurrenzas tutt’emna en il radio, la televisiun, social media ed en la rait

Giuvenil a la lavur durant ils Swiss Skills 2014 a Berna.
Legenda: Giuvenils cumbattan en 75 differentas professiuns per il titel da campiun svizzer. Quai èn ils Swiss Skills. swissskills.ch

Tranter ils passa 1'000 participants da l'entira Svizra sa chattan era intgins rumantschs. Els cumbattan per il titel da campiun svizzer en ina da 75 clamadas. Bleras da quellas giuvnas e giuvens han gist absolvì lur emprendissadi ed han gia gudagnà la qualificaziun chantunala per pudair sa participar als Swiss Skills.

Quels vegnan organisads la segunda giada suenter il 2014 en questa furma sin l’areal da la Bernexpo ed èn uschia la pli gronda show da professiuns dal mund. I vegnan spetgads var 150’000 aspectaturs durant quell’emna. Qels pon observar ed era empruvar or sper las 75 professiuns en concurrenza var 60 professiuns da demonstraziun.

RTR @ Swiss Skills 2018

Durant l’emna dals Swiss Skills rapporta RTR sin tut ils vecturs cun istorgias da ed enturn las concurrenzas. Gia el ordavant dumandain nus en la Marella dal Radio Rumantsch tge che stat davostiers e tge che quels Swiss Skills portan insumma?

Sin rtr.ch/SwissSkills, il link avra en ina nova fanestra essas vus adina up to date tge che pertutga ils campiunadis Svizzers da professiuns e la dumengia suenter che las medaglias en vegnidas repartidas guardain nus enavos cun ils rumantschs sin quella emna a Berna.

RTR @ Swiss Skills

RTR @ Swiss Skills
Legenda:Grafica SRF / RTR
  • «Mes emprim mais» – ina seria ch'accumpogna l'emprim mais d'emprendissadi
  • Tge stat davostiers e tge portan ils Swiss Skills? – Marella dals 2-9-2018 a las 09:00
  • Rapports ed istorgias live da Berna dals 12 als 16 da settember
  • In sguard enavos sin l'emna dals Swiss Skills – Marella dals 16-9-2018 e la saira a la televisiun las 17:10 sin SRF1.

RR actualitad 17:00