Tavau - Glisch verda per la via da guaud «Sertig Litzi»
Il project da la via da guaud «Sertig Litzi» da la vischnanca da Tavau è approvà, e la regenza grischuna dat per quel ina contribuziun chantunala da maximal 1,06 milliuns francs. Ils custs totals muntan a radund 1,4 milliuns francs.
Uschia duai la tgira dals guauds da protecziun Äbiwald e Litziwald daventar pli simpla ed effizienta. Uss sto la vischnanca mintgamai serrar la via dal Sertig durant il far laina.
La vischnanca da Tavau schlargia u bajegia da nov la via da guaud ad ina ladezza da 3,3 meters. E la finala vegn la via ad esser passa 1,6 kilometers lunga.