Siglir tar il cuntegn

Header

cuntegn

Tavau L'institut da perscrutaziun survegn sustegn dal chantun

Per ils proxims trais onns vegn la fundaziun Institut da perscrutaziun AO Tavau (ARI) sustegnì dal chantun, quai cun ina contribuziun da 1,05 milliuns francs per ils onns 2022 fin 2024. La regenza ha plinavant prolungà l'incarica da prestaziun che scada la fin da quest onn fin l'onn 2024.

L'institut a Tavau è activ en il sectur da la perscrutaziun e scolaziun medicinala e quai en l'entir mund. La finamira da la fundaziun è da sviluppar vinavant il tractament da ruttadiras d'ossa e da malsognas da l'apparat motoric.

Fundà avant 68 onns

La fundaziun è vegnida fundada l'onn 1953 da 13 medis da l'Ospital chantunal. Cun passa 15 000 chirurgas e chirurgs furma la AO Foundation oz sin plaun internaziunal ina da las raits las pli impurtantas entaifer la branscha medicinala. Ultra da quai porscha il ARI actualmain passa 70 plazzas da lavur.

audio
Per tadlar curt e cumpact
ord RTR Audio dals 16.12.2021.
laschar ir. Durada: 37 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga