La polizia chantunala ha investigà cun success ina ladra da skis a Tavau. La polizia haja survegnì in avis d'ina persuna pertutgada, ch'ha vesì, che ses skis engulads vegnian vendids en l'internet.
L'investigaziun haja la finala manà tar ina dunna da 57 onns. Ella haja engulà en il conturn da Tavau, quatter pèra skis e plirs pèra bastuns cun valita totala da stgars 5'000 francs. La dunna haja empruvà da vender ils skis engulads en l'internet.
L'accusada haja confessà, la procura publica dal Grischun denunzia ella.