Siglir tar il cuntegn

Header

cuntegn

Tavau Scolaras e scolars cumenzan cun instrucziun a distanza

Las scolaras ed il scolars da Tavau ston cumenzar la scola suenter las vacanzas da Nadal cun instrucziun a distanza. La raschun è las capacitads da labor limitadas, sco quai che la vischnanca scriva. La scola cumenza uschia per tuts bain sco previs, la gievgia ils 6 da schaner fin il venderdi vegni denton fatg instrucziun a distanza. A partir da gliendisdi saja lura puspè pussaivel da far ils tests da pool.

Hotels fan agens tests

En pli han sis hotels gronds a Tavau fatg il glindesdi ina scolaziun tar l'ospital a Tavau, per uschia organisar en il futur sez ils tests da corona tar persunal e giasts. Entras questa mesira veglia la vischnanca distgargiar ils centers da test e simplifitgar proceduras.

La vischnanca appellescha a la populaziun ed als giasts da sa tegnair vid las mesiras da corona e da reducir ils contacts. En il mument fetschian ils quatter centers da test a Tavau radund 1300 tests, tranter 60 ed 80 per di sajan positiv.

RTR novitads 17:00

Artitgels legids il pli savens