Siglir tar il cuntegn

Header

audio
PURE – Ina inscenaziun da la catastrofa dal clima en saut
Or da Actualitad dals 06.05.2022.
abspielen. Laufzeit 6 minutas 41 Sekunden.
cuntegn

Teater Cuira cun «PURE» Ina producziun futuristica da saut, musica e chant

Sitgiras, undas da chalira, stemprads ed inundaziuns – las catastrofas da natira na prendan nagina fin. Las persunas moran da novs virus e la surpopulaziun chaschuna rument. Quai che tuna schon in zichel suenter nossa realitad è per cletg be il tema d'ina nova producziun en il teater da Cuira. Sautunzas da las scolas da sautar dal conturn da Cuira, il chor sursilvan «PiCant» e l’orchester «Le phénix» preschentan ensemen ina producziun da saut, chant e musica cun musica da film originala ord il film «Avatar».

Visita tar l'emprova generala

Gievgia saira è stada l’emprova generala dal toc «PURE» avant ch’i va venderdi, ils 06 da matg, liber cun las producziuns.

En l’inscenaziun artistica vai per la nova spezia «cleaners», giugada da las sautunzas, che duain spendrar il mund cun transfurmar gas nuschaivels en substanzas nutritivas. L’idea da la coreografa Nora Werren era la suandanta:

Jau hai vulì crear in’atgna lingua da moviment per quella spezia. I duai esser insatge agen, avair in artg nua che las midadas na duain betg esser visiblas, ch’ils moviments in en l’auter.
Autur: Nora Werren choreografa

Accumpagnadas vegnan las sautunzas da l’orchester professiunal «Le phénix» sut la batgetta da Clau Scherrer ed il chor sursilvan «PiCant», sut la batgetta da Flavia Walder.

Producziuns «PURE»

Avrir la box Serrar la box

Venderdi, ils 6 da matg a las 19:30

Sonda, ils 7 da matg a las 19:30

Dumengia, ils 8 da matg a las 17:00

La critica

audio
PURE – ina critica da l'inscenaziun
aus Actualitad vom 06.05.2022.
abspielen. Laufzeit 5 minutas 47 Sekunden.

Da realisar l’idea da Nora Werren è gartegiada a la choreografa e las sautunzas. Ellas eran fitg omogenas, adina en moviment e cunzunt encunter la fin eran las 23 sautunzas tranter 11 e 31 onns fitg sincronas ed avevan in'immensa energia sin tribuna.

L’istorgia dals «cleaners» na vegn tenor mai dentant betg vi uschia sco sperà. Ensemen cun la musica ed ils moviments pari magari plitost fabulus e fantastic ch’apocaliptic. Vinavant avess jau giavischà ch’il chor avess gì ina pli gronda part en quella producziun.

Persuenter armonisavan las sautunzas, il chor e l’orchester fitg bain ensemen. Els han dumagnà da crear in mund magic e da tegnair la tensiun sur 70 minutas. Era fitg remartgabel è co las sautunzas han pudì tegnair endament ina choreografia che va varga in’ura al toc.

Pia, l'idea da l’istorgia cun las catastrofas da clima n'è tenor mai, betg avunda clera. En general ha la producziun dentant plaschì fitg bain ed ha purtà mai per 70 minutas en in mund fantastic.

RTR actualitad 11:00

Artitgels legids il pli savens

Scrollar a sanestra Scrollar a dretga