Siglir tar il cuntegn

Header

audio
Teater Cuira: revista e prevista program 21/22
Or da Actualitad dals 18.11.2021.
laschar ir. Durada: 3 minutas 23 Secundas.
cuntegn

Teater Cuira Prevista per la primavaira e la stad

En il program dal teater Cuira per la stagiun 21/22 stat l'ambient e l'uman en il focus. Ils responsabels han preschantà il program per la primavaira e la stad 2022 en la bar dal teater.

L'avertura da la stagiun da teater 21/22 saja stada fulminanta, di Roman Weishaupt, il directur dal teater Cuira. Malgrà las restricziuns da capacitad pervia da cornoa sajan las producziuns da «Songs of the Lands» tuttas stadas vendidas or pli u main. Dapi l'introducziun dal certificat sentian els dentant che la glieud saja malsegira e frequentia pli pauc il teater. L'agen program dal teater Cuira cumenza puspè il favrer.

Puncts culminants

In dals puncts culminants saja «Onkel Wanja» da Anton Tschechow, giugà dal teater Basilea. Quel mussa ina famiglia da patchwork temporala or da l'agglomeraziun en tudestg svizzer. Julia Häusermann, artista cun downsyndrom, preschenta ses project «Ich bin's Frank». Ed a la fin da la stagiun èsi da vasair il toc «Aucune idée» da Christoph Marthaler.

Sper quels trais higlights datti da vesair tranter auter: «Eine Peep-show für Aschenputtel», «Making Men» e «Late Night Drag». Roman Weishaupt è persvadì ch'il program saja fitg attractiv, divers ed er d'auta qualitad cun persunas da teater internaziunalas renconuschidas.

RTR actualitad 17:00

Artitgels legids il pli savens