Siglir tar il cuntegn

Header

video
Il teater Cuira fa program digital
Or da Telesguard dals 08.03.2022.
laschar ir. Durada: 3 minutas 20 Secundas.
cuntegn

Teater digital «DigiDays» al teater da Cuira

Dals 7 – 10 da mars han lieu ils «DigiDays» al teater da Cuira. Teater en cumbinaziun analog e digital.

Il festival digital al teater da Cuira è in project da transfurmaziun cun sustegn dal chantun e la Confederaziun. Il dramaturg digital Yves Regenass ha mess ensemen il program per quels quatter dis. Las producziuns che nizzegian digitalitad sco strategia artistica sajan la «crème de la crème» dal teater digital, di il directur dal teater Cuira Roman Weishaupt. Il focus è per ina sin novas experientschas e spazis da raquintar, e mussa er co che la moda da lavurar dals teatrists sa mida en il temp digital. Las producziuns cun aventuras digitalas han lieu en tuttas localitads dal teater Cuira. Auters projects han lieu online. Uschia possian persunas enturn l'entir globus prender part dals «DigiDays».

Realitad virtuala e roboters

Entamez il foyer dal teater Cuira è installà in cubus da lain cun ina chombra. Cun egliers da virtual reality po l'aspectatur far ina spassegiada multidimensiunala sin ils 16 meters quadrat. «Flintrige/Der Mensch erscheint im Holodeck» sa basa sin in classicher da Max Frisch.

Sin la tribuna da la sala da teater datti da vesair «Nessun Dorma». Ma betg l'opera classica, mabain in toc da teater musical extraordinari cun dus roboters sco protagonists. In'istorgia d'amur cun il roboter d'industria «Akra» che charezza arias da la mort ed il roboter da schubregiar «Putzini». Sco ch'i tutga tar in'opera dramatica vesa l'aspectatur co ch'ils protagonists aman e pateschan sin tribuna.

Dus roboters sin tribuna da teater
Legenda: «Nessun Dorma» Ils roboters protagonists «Akra» e «Putzini». RTR, Giana Maria Cantieni

RTR Telesguard 17:40

Artitgels legids il pli savens

Scrollar a sanestra Scrollar a dretga